Sunday, 28 October, 2007

വ്ര്‌ണം




വാക്കിന്റെ മുനമടക്കും

കല


തൂലിക പിഴിഞ്ഞുണക്കും


ചിത്രകല


വെള്ളിത്തിരയില്‍ കറുപ്പൊഴിക്കും


ചലച്ചിത്രകല


ഉള്ളുലയ്ക്കും നേരിന്റെ വായ്മൂടും


സകലകലാവൈഭവം


ശീലമാക്കുക


വയ്യെന്നു പറയരുതേ-


മതവ്ര്‌ണം വികാരപ്പെടും!

________________-

(മലയാളമനോരമ-13/10/ 2007)



Saturday, 27 October, 2007

ബ്ലോഗിന്റെ നോവുകള്‍

അത്ഭുതലോകത്തിലെത്തിയ ഭൂമിപുത്രിക്കു സ്വാഗതം പറയാന്‍
ഇത്രയും പേരെത്തിയത് മറ്റൊരു മഹാത്ഭുതമായി.

സത്യത്തില്‍,കടയും തുറന്നു കാറ്റുംകൊണ്ടു തനിയെ നാലുദിവസമിരുന്നിട്ടു
കെട്ടിപ്പൂട്ടി സ്ഥലം വിട്ടേക്കാമെന്നായിരുന്നു വിചാരം.

പിന്നെ അത്യാഹ്ലാദംനിമിത്തം,
ഇവിടെവരാന്‍ സന്മനസ്സു കാണിച്ച എല്ലാരെയും തിരിയെ ചെന്നുകണ്ടിട്ടേ
അടുത്തകുറിപ്പെഴുതൂവെന്നു, പാഞ്ചാലീശപഥമെടുത്തു.


ബ്ലോഗിന്റെ കലാപരിപാടികളോരോന്നായി നോക്കി
പഠിച്ചുവരുന്നേയുള്ളൂ.

ഇന്നലെ, word verification എടുത്തുമാറ്റാനുള്ള
ആഹ്വാനം വായി്ച്ച് ആദ്യമൊന്നു പരി്‍ഭ്രമിച്ചു.
വിസിറ്റ് ചെയ്ത മറ്റൊരു ബ്ലോഗില്‍,
ഈ പ്രതിസന്ധി സ്വയം നേരിട്ടപ്പോള്ളാണു
തലയില്‍ വെള്ളിമിന്നിയതു.

പിന്നെ അവിടെയുമിവിടെയുമൊക്കെ എലിക്കുട്ടനെക്കൊണ്ട്
തട്ടിച്ചു സൂത്രപ്പൂട്ടു തുറന്നു.

ബ്ലോഗിലെ ആരംഭശൂരകാറ്ക്കൊരു ട്യൂട്ടോറ്യല്‍-
അതെവിടെയാണാവോ...?


ഇന്നത്തെകുറിപ്പവസാനിപ്പിക്കുമ്പോള്‍,
കണ്ണില്‍നിന്നും മറയാതെ നില്‍ക്കുന്നതു
ചങ്ങനാശേരിയിലെ വിദ്യാറ്ത്ഥിസംഘട്ടനത്തിനിടയില്‍
തലക്കടിയേറ്റു മരിച്ച ASI ഏലിയാസിന്റെ
നിറ്ജ്ജീവ ചിത്രം!


ഏതു തത്വസംഹിതയായിരുന്നു
ആ അടിയേല്‍പ്പിച്ചതു?

Friday, 26 October, 2007

എല്ലാരും ബ്ളോഗുന്നു.. ഈഞാനും ബ്ലോഗുന്നു...

എല്ലാരും ബ്ളോഗുന്നു.. ഈഞാനും ബ്ലോഗുന്നു...
ഈ ഗോളാന്തരവലയത്തില്‍ ഞാനുമെത്തിയെന്നു മറ്റുള്ളോരെങ്ങിനെയറിയും?
ഇതിലൂടെ ഊളിയിട്ടുപാറി ക്ഷണപത്രിക വിതരണംചെയ്യാനെന്തെങ്കിലും
സംവിധാനമുണ്ടൊ?
വഴിതെറ്റിയെങ്ങാനുമിതിലേവരുന്നവറ്,അറിവുള്ളവരൊന്നു
പറഞ്ഞുതരണെ..
കണ്ടവറ്കണ്ടവറ് നാലുപേരോടൊന്നു പറഞ്ഞു പരത്തണേ..

ആരെങ്കിലും വന്നൊന്ന് നോക്കീന്നറിഞ്ഞാല്‍ ബാക്കി വറ്ത്താനം
പറയായിരുന്നു.